مش متحمل أي صوت؟ ممكن يكون عرض مهم
ممكن جدًا يكون المريض مش متحمل يسمع أي صوت… وده بيحصل في حالات معينة وغالبًا بيكون عرض مرضي مهم.
أهم الحالات اللي يحصل فيها عدم تحمّل الأصوات
1) فرط حساسية السمع (Hyperacusis)
- أصوات عادية جدًا (كلام – مية – مروحة) تبقى مؤلمة أو مزعجة جدًا
- وجع في الأذن
- شد أو ضغط في الرأس
- توتر شديد
2) فوبيا الأصوات (Phonophobia)
- خوف شديد من الأصوات مش بسبب قوتها
- مرتبطة بالقلق أو الصداع النصفي أو اضطرابات نفسية
- الصوت نفسه يسبب هلع
3) بعد فقدان سمع مفاجئ
خاصة بعد ضعف سمع مفاجئ أو طنين شديد.
4) التهابات الأذن الداخلية أو العصب السمعي
الأصوات ممكن تزود الدوخة أو الغثيان أو الألم.
5) بعد صدمة صوتية
التعرض لصوت عالي مفاجئ (انفجار – سماعات عالية).
6) مع الصداع النصفي (Migraine)
الصوت يسبب زيادة الصداع.
نقلق إمتى؟
لازم تقييم عاجل لو عدم تحمّل الصوت جاء فجأة أو مصحوب بـ طنين شديد / دوخة / ضعف سمع.
ملاحظة مهمة
منع الأصوات تمامًا أو لبس سدادات طول الوقت غلط لأنه ممكن يزوّد حساسية السمع أكتر… والعلاج الصحيح بيكون تدريجي.
دايمًا نقول: اسأل واستشير… وبلاش نسيب العرض فترات طويلة عشان العلاج يبقى أصعب.