مقياس الطنين: ليه مهم ومكوناته
الحقيقة: ولا مريض طنين من اللي بعتولي عامل “مقياس طنين” إطلاقًا… وده شيء شائع.
مقياس الطنين هو مجموعة اختبارات بنستخدمها علشان نقيم الطنين بشكل دقيق:
- مش بس نعرف موجود ولا لأ
- لكن كمان درجته وحدته ونوعه
- وتأثيره على المريض
أهم مكونات مقياس الطنين
1) تحديد شدة الطنين (Loudness Matching)
بنحدد صوت الطنين اللي المريض سامعه بالجهاز علشان نوصل لشدة الطنين.
2) تحديد تردد الطنين (Pitch Matching)
بنعرف الطنين حاد ولا غليظ… وده بيساعد في اختيار العلاج المناسب.
3) مستوى الإزعاج (Minimum Masking Level – MML)
بنحدد أقل شدة صوت خارجي تقدر تغطي الطنين.
4) التأثير النفسي والوظيفي
من خلال استبيانات زي:
- THI – Tinnitus Handicap Inventory
- VAS Scale
علشان نعرف الطنين مأثر قد إيه على النوم والتركيز والحالة النفسية.
ليه مقياس الطنين مهم؟
- يحدد شدة الطنين الحقيقية
- يفرق بين الطنين البسيط والمُعطِّل للحياة
- يساعد في اختيار العلاج (دوائي – تأهيلي – سماعات طبية)
- نتابع التحسن مع الوقت
ملحوظة مهمة: الطنين مش بيتقاس بجهاز واحد… لكنه تقييم متكامل بأجهزة سمعية ونفسية.
لو عندك طنين… التقييم الصح هو أول خطوة للراحة.