مقياس السمع طبيعي… ومع ذلك عندك طنين؟
مقياس السمع طالع طبيعي… ومع ذلك عندك طنين؟
متستغربش… ده بيحصل أكتر مما تتخيل.
ناس كتير تعمل مقياس سمع… والنتيجة: سمع سليم 100%، لكن يفضل في صفارة / زنة / وش في الودن.
إزاي ده يحصل؟
الطنين مش دايمًا مشكلة أذن… أحيانًا بيكون من مراكز السمع في المخ.
- مقياس السمع يدوي وغير دقيق: ممكن ما يظهرش الترددات البسيطة.
- فقد السمع الخفي: الخلايا أو الأعصاب الدقيقة متأثرة لكن المقياس العادي مش بيكشفه.
- التعرض لصوت عالي: سماعات – حفلات – شغل ضوضاء… السمع يرجع طبيعي والطنين يكمل.
- توتر وقلق وقلة نوم: المخ يضخم الإحساس بالطنين.
- نقص فيتامينات أو عناصر: زي B12 أو الحديد.
الخلاصة
- مقياس السمع الطبيعي لا ينفي الطنين
- الطنين إحساس عصبي… محتاج تقييم صح
لو بتسمع كويس بس الودن “مش ساكتة”… متتجاهلش الموضوع.
التشخيص الصح يفرق كتير… وفي الحالات دي التشخيص والعلاج غالبًا بيكونوا أسهل لو متأخرناش.