أنابيب تهوية الأذن… حل بسيط لمشكلة كبيرة
أنابيب تهوية الأذن… حل بسيط لمشكلة كبيرة
كتير من الأطفال (وأحيانًا الكبار) بيعانوا من:
- تجمع سوائل خلف طبلة الأذن
- التهابات أذن وسطى متكررة
- ضعف سمع مؤقت أو تأخر في الكلام
وهنا بييجي دور أنابيب تهوية الأذن (Grommet / Ventilation Tubes).
إيه هي؟
أنبوب صغير جدًا بيتحط في طبلة الأذن أثناء إجراء بسيط، وظيفته يسمح بمرور الهواء ويمنع تجمع السوائل.
إمتى نحتاجها؟
- التهابات متكررة لا تستجيب للعلاج
- وجود سوائل أكتر من 3 شهور
- ضعف سمع مأثر على الكلام أو التركيز
- ألم أذن متكرر بدون سبب واضح
فايدتها إيه؟
- تحسن السمع
- تقلل الالتهابات
- تحمي طبلة الأذن
- تساعد الطفل يرجع يسمع ويتكلم طبيعي
هل هي دائمة؟
لا. غالبًا بتقع لوحدها بعد عدة شهور، وطبلة الأذن تلتئم طبيعي.
ملحوظة مهمة: أنابيب التهوية مش رفاهية… هي علاج بيحمي السمع ومستقبل الطفل اللغوي لو اتاخد في الوقت الصح.